,,Þau eru aftur komin í tísku“ sögðu nemendur úr Flensborgarskóla í Hafnarfirði um gleraugu Halldórs Laxness sem eru í vinnustofu skáldsins að Gljúfrasteini. Gleraugun, stóri glugginn í stofunni, flygillinn og margt fleira vakti athygli unga fólksins sem skoðaði Gljúfrastein í gær og í dag. Heimsóknin er hluti af námskeiðinu Halldór Laxness – sómamaður í sinni sveit sem kennt er í skólanum. Um 50 nemendur komu á Gljúfrastein, fengu hljóðleiðsögn um húsið og fóru að því loknu að Laxnesi, æskuheimili skáldsins.