Sumardaginn fyrsta fimmtudaginn 24. apríl verða söfn, sýningar og setur á Vesturlandi opin og aðgangur ókeypis.
Markmiðið með þessum fyrsta sameiginlega safnadegi á Vesturlandi er að vekja athygli heimamanna og gesta þeirra á fjölbreyttu starfi safna, setra og sýninga í landshlutanum. Gljúfrasteinn – hús skáldsins er þátttakandi í safnadeginum og býður gesti hjartanlega velkomna.
Safnið verður opið þennan dag frá kl. 10:00 – 17:00 og aðgangur er ókeypis.