Aðrir stofutónleikar sumarsins hefjast klukkan 16 næstkomandi sunnudag, 13. júní.
Hjónin Hjörleifur Hjartarson og Íris Ólöf Sigurjónsdóttir búa í Svarfaðardal og hafa um árabil sungið íslensk þjóðlög og sönglög fyrir ferðafólk á svokölluðum söngvökum í Minjasafnskirkjunni á Akureyri. Efnisskráin spannar lög allt frá fornöld til nútíma í einföldum raddsetningum með gítarundirleik.
Á Gljúfrasteini verður efnisskráin blanda af gömlum og nýjum íslenskum sönglögum og eitthvað mun nóbelsskáldið koma þar við sögu.
Aðgangseyrir er 1.000 krónur.
Stofutónleikar Gljúfrasteins eru alla sunnudaga kl. 16.00 í sumar.