Vísnasöngur um verslunarmannahelgina á Gljúfrasteini

Vísnadúettinn Vísur og skvísur mun leika og syngja á næstu stofutónleikum Gljúfrasteins, sunnudaginn 5. ágúst.

Vísnasöngkonurnar Vigdís Hafliðadóttir og Þorgerður Ása Aðalsteinsdóttir skipa dúettinn Vísur og Skvísur. Þær munu flytja íslensk og skandinavísk vísnalög þar sem texti og tilfinning mætir hljómþýðum laglínum á næstu stofutónleikum Gljúfrasteins.

Þær leggja áherslu á norræn lög sem spanna breidd tilfinninga og eru flutt í samtali við áheyrendur þar sem textinn hefur ekki síðara vægi en laglínan.

Á efnisskrá tónleikanna má meðal annars finna vísnalög eftir Jón Ásgeirsson, Barbara Helsingius og Eivøru Pálsdóttur.

Stofutónleikarnir eru haldnir hvern sunnudag til 26. ágúst og hefjast þeir kl. 16:00. Miðar eru seldir í safnbúð Gljúfrasteins samdægurs og kosta 2500 kr. Ókeypis er fyrir börn á leikskólaaldri.

Dagskrá stofutónleikanna í heild sinni.

Til baka í viðburði